مفيش غيره

وايه في الدنيا يستاهل
تعيشله مهما كان غالي
مفيش احلام تحققها
هتشبع قلبك الخالي
بتجري من سراب لسراب
تقرَّب بس مش واصل
مفيش راحة ولا فاصل
تعيد الجري م الاول
يزيد عطشك عن الاول
ومش نافع ...
تضيع الرغبة والدافع
لكنك لسة بتدوَّر
ومش لاقي
وعُمر يعدِّي مش باقي
ياريتك تفهم المقصود
مفيش حاجة من الموجود
هتشبع قلب في الغربة
طعامه في كلمة المعبود
وياما خسروا في اللعبة
بشر مشيوا ف طريق مسدود
مفيش غير المسيح ينفع
يعدِّي بيك لبر أمان
مفيش غيره هدف يشبع
عطش او جوع لدى الانسان