كل الأرض اليوم سهارة بعيدك يا طفل المغارة
شفت الفرحة في عين الناس وشفت الهمة بكل الحارة
شجرة جميلة بوسط الدار بتشعشع ولا أي منارة
والزينة في كل مكان ابتبهرنا بكل اثارة ...
********
آخر موضة اشتريناها لأجل اتناسب جو العيد
وهدايا فوق قدرتنا حنقدمها لطفل سعيد
وبطاقة بأجمل تعابير بتهنينا بعيد مجيد ...
بتعايدنا ... وبتباركنا وتتمنى لنا عمر مديد
********
أما الأكل والحلويات والمشاريب ما تسألشي
ده كرمنا بالعيد يزداد لو نندان ما نسألشي
اهه عيد زي الأعياد اللي الفقير ما يرحمشي
لازم نكون زي الناس علشان العيله ما تزعلشي
********
اهه جانا العيد وهنانا وحيروح العيد زي ما جانا
ويرجع الكون لأشغاله ونرجع لهمومنا وأسانا
واللي أفتكرنا بيوم العيد بعد العيد حينسانا
ويفضل بره صاحب العيد واقف عالباب يستنانا
********
آه لو تعرف معنى العيد ونعيشه بكل أيامنا
لو نولد احنا فيه حنعيد كل حياتنا
نسمع صوت صاحب العيد ده جيه عالأرض علشانا
حتى يصالحنا من جديد ولحضن الآب يرجعنا
********
أفتح قلبك قول له فوت يشيل عنك حكم الموت
اللي حمله هو عشانك حتى تورث الملكوت
ساعتها تعيد وياه وتتمنى العيد ما يفوت
والفرحه حتملا دنياك وترنم له بأعلى صوت
