لو سألت الميلاد شو رح يقول!
قَرِب العيد, وصار الكل بالمشتريات مشغول
زينة للشجرة ,أواعي للأولاد غير الكعك والمعمول
ع الخصر نلف المريول, ونبلش بتحضير المحاشي وغلي الفول
وقبل ما تتجمع العيله, شويه وكل شي ع الطاوله صار مأكول
صلاه,ما فضينا وما صلينا,أصلو الزلمه بعد هالكاس قلب مسطول
ولما الصبح جرس الكنيسة يرن,الكل نايم وعامل حالو مشلول
كيف بدك يجي الميلاد, وبعدو باب المغارة عند الناس مقفول
كيف ترضى تعيد الميلاد, وانت مخاصم أخوك على طول
كيف تخلي الميلاد يمرق, وغيرك قدامك بالفقر مذلول
ما تقول,انو برد السني وهموم الدني,خلت الميلاد بعيد وحتى مجهول
ان صار للمحبة بين الإخوه في الميلاد, معنى ومدلول
ساعتها,يصح نقول ان ميلاد يسوع في القلب أصبح مقبول.
فيولا اسبنيولي
وكان هناك في التعليق شعر او زجل شعبي الذي به علق به احد الزوار :
أيوه يا اختي عيد الناس كاس وطاس
اكل لهلمعده ومشروب للراس
وأصل العيد عندهن ما لو اساس
زينه وفرجه ولباس جخّه ونعره ورفعة راس
شوفوني با عالم شوفوني يا ناس
رح يبقى فيهن هـ الوسواس
في حدا أحلى مني أو أحسن مني ويا أرض اشتدي ما عليكي حدا قدّي...
وينتا منصحا وبعدنا نعاس
وكتير اللي زيهن حتى لونهن جناس جناس
اصحوا وفيقوا اليوم يوم خلاص
ولد يسوع اشعر معنا بهالإحساس
شو الميلاد وشو الأعياد ... قلوب جداد يولد فيها ابو الأمجاد ..
واللا يا خي النهايه بكباس ما رح تلحق ..وبرجل ابليس بتنداس الحق وتوب قبل ما الفاس توقع بالراس..
بنعمة الفادي joe
joe ,shefa amer
ان موقع لينجا يشجع هذه المواهب فإذا كان لديك شعر مسيحي او زجل شعبي مسيحي او قصص مسيحية ميلادية او اخرى فإننا ندعوك ان تشاركها معنا وعلى موقعنا ليتسنى لزوار الموقع ان يستمتعوا بها وشكرا.