يا رب ايه هيّ الحكاية ... في كل يوم لينا ضحايا
مُش بعاتبك علّي صار ... أو ليّ عليك شكاية
*************
بس عايزك تبقى جنبي ... وأنا بودع حبايبي
تمسح لي دمع عيوني ... وتخفف عني قساية
************
دم عرسان وعرايس ... غطا جدران الكنايس
زي دمك يوم ما سال ...لأجل تغفر لي خطاية
************
والعيال من كل جيل ... وعجوزة فاتحة الانجيل
اقبلني يا رب بملكوتك ... وكانت دي آخر قراية
************
جيت عشان تشفي الجروح ... ولأجل تفدي كل روح
واللي قبلك وحامل اسمك ... حسبوها ليه جناية
***********
ذنبنا اننا أولاد محبة ... وكل الشعوب لينا أحبة
ليه كرههم يزداد علينا ... عايزن نكون لهم سبايا
**********
ربي الجأ لك وعارف ... انك تشجع كل خايف
تملا له قلبه بالأمان .... وتثبته فيك للنهاية
*********
وأديني برفع صلاتي ... دلوقتي وليوم مماتي
تهدي عدوي لطريقك ... وأشوفه في السما معاية
***********
