انا رايح للسما

أنا رايح للسما، مستني أشوفك هناك، ياللي عارف وياللي مش عارف، ياللي عارف تتشجع، والحقيقة تديك ثبات، وياللي مش عارف تسمع، وترجع للي عشانك مات
23 يناير 2014 - 13:45 بتوقيت القدس

أنا رايح للسما
مستني أشوفك هناك
ياللي عارف وياللي مش عارف
ياللي عارف تتشجع
والحقيقة تديك ثبات
وياللي مش عارف تسمع
وترجع للي عشانك مات

انا رايح للسما
مستني أشوفك هناك
يا كل أهلي ويا كل أصحابي
يا كل أهلي من غير بكا
لكن بفرح ورجا
يا كل أصحابي وأملي
محدش فيكم تفوتو السما

انا رايح للسما
مستني أشوفك هناك
اللي شافني واللي ماشافنيش
ياللي شفتني مرة تعرف
انه مش صدفة لكن ترتيب
واللي ماشافنيش لكن بيقرا
كلامي ده مش تكذيب

انا رايح للسما
مستني أشوفك هناك
ياللي ليك هدف وياللي عايش بالتكال
ياللي ليك هدف في الحياه
باطل كل تعب ايديك
وياللي عايش بالتكال
الرب بيدور عليك

انا رايح للسما
مستني أشوفك هناك
رساله سهله وحقيقة
رساله سهله عايز أوصلها
لكل العالم لو أمكن
وحقيقة واضحة مش خرافة
انا ليا في السما موطن

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا