خد من الاموال كفايتك
خد نصيبك م الميراث
خد قلم واكتب نهايتك
مش هطالب بالقصاص

ويلا سافر ... بالسلامة
بس حاسب م الطريق
اصل في الطرقات دي ياما
افترق مليون صديق

راح يضيع منك سلامك
ويهرب النوم من عينيك
لما يوم تنسى مقامك
الهموم هتزيد عليك

يلا سافر ... بالسلامة
بس سيب الباب موارب
راح تبصله من بعيد
وانت راجع تاني تايب

يلا سافر خد قرارك
مش هعاتبك فِ اختيارك
مهما يحصل ... لما ترجع
هتلاقيني في انتظارك

يلا سافر ...
يلا سافر بالسلامة

هل لديك سؤال عن الإيمان المسيحي؟ نحن مستعدون لاجابتك. راسلنا