قوم يا مسيحي من السبات جالك وقت التعويضات
افتح ايديك وقُل له هات حيملا حياتك بالبركات
ليه تقبل بالعيشة فقير وانت ابن لرب كبير
بلاش نظرك يروح لبعيد خليه عليه بالأزمات
بركاته من غير كيل اوعى تصدّق انه بخيل
عدوك ما عدلوش حيل وشغلُه يطلّع إشاعات
ارمي همك علّي فداك تعال اليه أهو بستناك
اوعى يفوت العمر معاك العمر يتعد بلحظات
انده ليه قوام يلاقيك ويسامحك على كل ماضيك
وفي جوة عينيه يداريك ولا يوم حتبطّل شهادات
