خداع الشياطين

واعتدت تقرا في الكتاب
ييجي اصحاحين
وتروح يوم الحد الكنيسة بانتظام
عمرك ما غبت
عن اجتماعك من سنين
وبقيت سعيد جدا كدة
راضي أوي
كل الي مطلوب منك
انت بتعمله واكتر كمان
وباقي حياتك ماشي حلو وللامام
بتروح لشغلك تجتهد
ترجع لبيتك اسرتك علشان تنام
مقصدش ان حديثي يبقى عن الروتين
اقصد خداع الشياطين انك تمام
وان ارتباطك بالاله جامد متين
علشان قرايتك كل يوم
وعشان خلاص دايم يدوم
فمفيش شعور بالاحتياج
ان انت لما تقع تقوم
مبقتش عارف انت بارد ولا حار
بقيت كدا ما بين وبين
مبقتش عارف سكتك
مبقتش ماشي في الشمال
ولا انت ماشي في اليمين
ياريتك كنت في الضلمة
ياريتك كنت في النور
بقيت تفتح شبابيكك
وتتحامى في ضل السور
فاحسنلك اذا تسمح
توقف كل انشطتك
وياريت الخدمة دي بالذات
عشان تبقى بلا محامي
امام الذات
وتعرف ان اوضاعك
مهيش عاجبة الي عنك مات
ويا اما تموت ومن اجله
في كل نهار
يا اما تقول بان انت
ضعيف محتار