شبابَك زهر بنيسان  
 

مع الايام رح تذبلْ

وأحلامَك باقة ألحان  
 

بغير الحُبّ ما بتكمَلْ

يسوع وحدو العنوان  
 

عينو عنك ما بتغفَلْ

جرّب معي يا انسان  
 

احرث كرمو ولا تكسلَ

   
يسوع نسمة بأيّار  
 

بتمرُق فوق كرمتنا

وحياتو حزمة انهار  
 

بتشرب منها ضيعتنا

صليبو اكليل الغار  
 

بتغار منّو وردتنا

وانجيلو أحلى الأخبار  
 

بتحكي عنّو قصتنا

   
لا تترُك يمرّ نهار  
 

ونفسك عنّو مشغوله

ولا تعشق الا الأشعار  
 

الّلي بحُبّو مجبوله

فاديّ بكر الأبكار  
 

بالمحبّة محلوله

ورد وزنبق وجلنار  
 

بالحريّة مبلوله

هل لديك سؤال عن الإيمان المسيحي؟ نحن مستعدون لاجابتك. راسلنا