ناطرين

ناطرين ..ناطرين..ناطرين
بلهفة وشوق وحنين
عودة فادينا ...الى أراضينا
بِحَسَب وعده الأمين

ناطرين والرُّوح تقول
أنت الهدف المأمول
حُبَّك بالدم مجبول
يسوع وحده المُعين

ناطرين بجبَل الزيتون
مجيئك بات مضمون
رح تشوفك عيون وعيون
وتشهد لك السنين

ناطرين تفكّ الأسر
وتحيي عظام القبر
يا مَنْ دفعت الأجر
ببكاء ودموع وأنين

ناطرين نشوف مجدَك
ونعلّي من قدرَك
الحقنا من فضلَك
مع يسوع طايرين