باعترفلك بالجميل 

انت ليا اب وخليل 

مش لاقي ليك ربي مثيل  

ولا ف حياتي ليك بديل

في كل خطوة ترشد طريقي

اتبع اثار رجليك في دربي

وان تهت مرة بترد نفسي

ارجع واشكر من كل قلبي

 

في وقت ضيقي صلاتي بأرفع 

إليك يا ربي ألقاك بتسمع 

مرة تمنح ومرة تمنع 

ليك خطط ف حياتي تصنع 

قلب الملك دا بين ايديك 

بأمر منك نومه يطير 

ولا كلمة منه تعلا عليك 

دا بكلمة منك امرك يصير 

 

لمست أيدك وقت الآلام 

سمعت صوتك بيقول كلام 

"لو حتى كان مشهد ظلام 

أنا بايدي ماسك الزمام"

في وقت حزني انت عزايا 

وانت معايا في وقت ضعفي 

وليوم لقاك انت رجايا  

ونعمتك ليا تكفي

هل لديك سؤال عن الإيمان المسيحي؟ نحن مستعدون لاجابتك. راسلنا