عن الحب

جدير بالذكر يا سادة
بإن الفكرة متعادة
لكني برضه هاكتبها
لأني بحبها زيادة
وإيه في الدنيا خد حقه
ولسة برضه من حقه
نقول فيه كلام و ما نوفيه
ونحكي عنه ما نكفيه
غير الحب الي كان فكرة
بنقرا عنها في الروايات
واصبح بالمسيح واقع
بنحياه بجد مش كلمات
وعشان برضه احنا لسانا
بشر والضعف جوانا
ساعات نبقى بعاد جدا
عن المحبوب
فيبقى كلامنا متناقض
ومهوش محسوب
لحد اما تبرهنه الاعمال
ويبقى بحق مش اقوال
لان الحب في الواقع
ماهوش مجنون ولا اعمى
ومالوش ضمن الحدود اعلى
ولا ادنى
بيدي وعمره ما بيطلب
وبسيط في العمق والمعنى