"همزة الوصل" اللي بينا من سنين
"نبرة" الحزن اللي داواها الحنين
"كسرة" الفشل اللي سابت تشكيلات
"فتحة" الامل اللي واقف من سكات
"ضمة" الحب اللي تشهد عن امانة
وسط "شدة" ضيقة او كلمات إهانة
"حرف عطف" ربط ما بين كلمات تعاطف
او "سكون" الروح في اوقات المخاوف
كل دة واكتر كتير
يحكي عن رب ف رعايته وف امانته ملوش مثيل
لسة قابل طفل زيي مهما عدى ف حكايات
لسة فاشل في القراية وف سماع التعليمات
لسة مش بيشوف ويسمع صوت الهه ويعرفه
برضه لسه بيستهجه كل حاجة توقفه
لسة مش فاهم علامات التواصل
ولا "همزة الوصل" اللي بينا من سنين
ولا "نبرة" الحزن اللي داواها الحنين

هل لديك سؤال عن الإيمان المسيحي؟ نحن مستعدون لاجابتك. راسلنا