انا في البعد عنك بكون زاني
وباني
بيني وبينك الف سور
رغم انك بسرور
بتدخلني حجالك
يسبيني جمالك
والمس الحضور
لكن اعود وابص لغيرك
وانسي خيرك
تملاني شرور
قلبي قاسي من الناحيه دي
وما بيحسش من الحته دي
قلبي كله ضربه طريه
مليان بالكسور
لكن انت فاتح قلبك لي
وبدمك تغفر كل خطيه
انت مش عايز حاجه في قلبي تكون خفيه
لاني بالنسبالك انا موضع سرور
الآب حبني
والأبن فداني
والروح قدسني
كيف اعيش فـِ الشرور
مخطوب انا ليه هو
ووعوده ليه ثابته بالبنوه
وروحه ساكن في من جوه
اصرخ بكل قوه،
رجعني ليك من تاني
اجيلك اهدم كل مباني،
فصلتني عنك وخلتني اناني
واشوفك امامي
واحكي اختبار ورا اختبار
عن محبتك لنفسي
فيزيد الافتخار، كل ما اعرف سر من الاسرار
وبدل ما يكون حبك في قلبي شويه شرار
يكون نار.
