(1)
يا نسر ياللي طاير
في السما عالي
هو العالم صغر في عينيك
ولا اكمنك كدا عالي
يا ريتني زيك
يصغر في عيني العالم
وحياتي تكون مع الرب
دايما في العالي
(2)
ياللي عامل نفسك مؤمن
تعمل شوية فروض
وقلبك بعدها يطمن
يا جاهل ..
دي المسيحيه عمرها ما كانت تدين
دي حياه مع الرب
في كل لحظه بتتأمن
(3)
عجبي على الشاعر لما بيحب
حبه بيكون غير كل قلب
حب حبيبه في لسانه يكون قصيدة
فما بالكم لو كان كمان بيحب الرب
(4)
عجبي على حب الرب اللي
للعقول بيفوق
داحبه بيتربع على
عرش الحب من فوق
ومافيش حب اعظم من حبه
ياللي مش فايق لحد دلوقت
ياريت تفوق
(5)
سنين تعدي وتمر
مرور الكِرام
ولسه بنسمع نفس الكلام
من ابن الكرَّام :
"اتركها هذه السنه ايضا"
فهل فهمتم الدرس
واتعظتم يا كِرام
