فيه ناس بيلوموا الناس
ان مالهومش تاريخ للخلاص
الخلاص مش تاريخ
دي حياه من بدون ادناس
خدناها بدم المسيح في الصليب
لما على راس ابليس داس
حياه تتحس وتتعاش
مش تاريخ ينكتب في الكراس
أخَبَّرْ بصنيع الرب وجميله
واشيله فوق الراس
لو مش عارف لنفسك يوم
التاريخ مش هو الاساس
وبعدين لو انت مش فاكر يوم
حصلك فيه خلاص وتبرير
دا شيء في معناه جميل
لو عندنا شوية تنوير
المعنى انه من يوم ما وعيت
ع الدنيا تفكر وتدير
وانت حياتك مع الرب
في بدايه ملهاش نظير
البدايه يوم ادراكك
لحلاوة الرب والتغيير
مش مهم امتى وفين
المهم لمسة القدير
