المسيح قام

المسيح قام حقيقية ومش أوهام، قولها معايا يللا تملا قلبك سلام، رددها بعلو صوتك والجأ له قوام، جه عشان يصالحك ويبطل الخصام...
09 ابريل 2012 - 23:09 بتوقيت القدس

المسيح قام حقيقية ومش أوهام
قولها معايا يللا تملا قلبك سلام
رددها بعلو صوتك والجأ له قوام
جه عشان يصالحك ويبطل الخصام

القبر لسة فارغ وبيشهد عالقيامة
ويسوع عايش معانا والروح لينا علامة
واقف يدق بابك افتح قبل الندامة
ينور ليك حياتك وتهرب مالظلام

يسوع راح الجحيم وغلب فيه الشيطان
ذاق الموت عشانك وشاف كل هوان
لأجل ما انت تخلص وماتكونشي مدان
قبل صليب العار واتحمل كل الآلام

وبقيامته المجيدة صار ليك فيه حياة
ما عادشي شيء بيرهب ولا حتى الممات
استمتع معاه بالقيامة وخد طوق النجاة
ده وعده لينا صادق وماهوش أي كلام

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا
التعليق على مسؤولية المعلق فقط وهو ليس بالضرورة رأي الموقع
1. اسامة فؤاد حنا الجاولى 12 مايو 2012 - 23:08 بتوقيت القدس
ما اروع تعبيراتك ما اروع تعبيراتك
جميلةجدا اخ يوسف وكلماتها رصينة نعيش فيها فرحة القيامة والفداء