هذه الكلمات بمناسبة ما يحدث في مصر والعراق من مذابح للمسيحيين وهدم الكنائس
دستم الصليب برجليكم
وحرقتم المنارة
بكرة المسيح يجيكم
كنيستنا قوية وجباره
وهي بيت الله
وكمان بيت الصلاه
مش مجرد طوب وحجاره
دُستم الصليب
وهدمتم المذابح
ونسيتم ان الرب قريب
ومسيحنا علمنا التسامح
واسمه مشير وعجيب
ولما نصرخ اه
بسرعة يجينا.... ويعزينا
يسمعنا من أعلى سماه
دُستم الصليب
في كنيسة صول بأطفيح
وقلتم علينا اكاذيب
احنا ولاد المسيح
وفي كنيسة مارمينا بأمبابة
هتفتم بأعلى الصوت
وقلتم دول ناس كفرة
وجزاؤهم هو الموت
واحنا يا ناس غلابة
وطول عمرنا حملان
عايشين وسط الديابة
دُستم الصليب
وعايزين تطردوني من بلادي
ابدا مش ممكن هاسيب
كنائسي اللي بناها اجدادي
وبعلو الصوت هافضل انادي
دي ارضي وارض احفادي
دستم الصليب
وحرقتم المذابح
وده مش شيء غريب
على قلوب متعرفش التسامح
دُستم الصليب
وهدمتم المنارة
عنوان الحب العجيب
والفداء والكفارة
والارهاب رجع من تاني
يا خسارة
والف خسارة ...
