يا مؤمن إرفع صوتك وعلّي
أسكب قلبك للرب وصلّي
إحكي له كل اللي في قلبك....إشكي له همك....
وكلام جوة ما تخلّي
لو جرحك غميق ... وتركك أعز صديق ...
هو وحدتك بيملّي
ولو مظلوم وبتعاني ...لأنك مش الجاني ...
إنتظره ،في حياة خارج المحلّة
ولو كان حزنك بسبب ماضيك وجهلك... عهده معاك بيجددلك...
وبينتهي الإحساس بالمذلة
ولو مريض وتعبان .... ومرضك إلُو من زمان ...
عنده العلاج لكل علّة
تعال له بكل ثقة وإيمان...هو الرب الحنّان...
بيلمس ويعزي وأيامك بيحلّي
بتصير ترنم وترنم...وإسم الرب تعظّم...
وتقول بأعلى صوتك يا حزن ولّي
في القعدة معاه بيعطيك سلامك ....وبيصير حال لسانك ...
هو في كلمته قلّي
ما بيعود يهمك... ولو قامت حرب جنبك ...
لأنك عايش في المظلّة
يا مؤمن إرفع صوتك وعلّي
أسكب قلبك للرب وصلّي، إحكي له كل اللي في قلبك....إشكي له همك.... وكلام جوة ما تخلّي، لو جرحك غميق ... وتركك أعز صديق ... هو وحدتك بيملّي
25 نوفمبر 2011 - 16:54 بتوقيت القدس