خذني معك كلّ يوم
واصلبْ فيّي شهواتي
وخلّيني أصحى من النُّوم
تَ أهمسلَك صلواتي

مين غيرَك يشفي جروحي
ويدوزنلّلي خطواتي
مين غيرك يشبع روحي
ويطهّرللي نظراتي

وحدك انت يا محبوب
قادر تمحي عثراتي
يا من كنت تْصول وتجوب
وتشفي كلّ الآهاتِ

حُبَّك ساكن في الضلوع
ونازع منّي رغباتي
ربّي انت يا يسوع
عِزَّك مالي دُنياتي

بحُبَّك قلبي مفتون
وتارك خلفو شقواتي
وانجيلك أحلى ما يكون
 حاوي أجمل آياتي

هل لديك سؤال عن الإيمان المسيحي؟ نحن مستعدون لاجابتك. راسلنا