جرح قلبى يحس بيه مين ؟ غيرك يا معين المجربين
جريت ورا الاوهام و بعدت عنك وانت اليقين
خدعوني و صدقتهم كان كل همي اكسب ودهم
غرقت فى دموعي ليالي و انا بسأل نفسي ظلموني و لا ظلمتهم
و لما ما طولتش حبهم قلت كفاية اني زيك احبهم
حتى لو خاصموني بدل محبتي و ضنوا علي بعطفهم (ها فضل احبهم )
عشان اكيد زي ما بتحبني بتحبهم حتى لو محبتك غابت من قلبهم
حتى لو بقساوة زاد بعدهم هيفضل حضنك مفتوح لهم
حط يا ربي في قلبي غفرانك عشان اغفرلهم و انا بحبهم
