صارت مصايبنا كتيره

03 مارس 2010 - 16:24 بتوقيت القدس

صارت مصايبنا كتيره       وكترت مآسينا
ببلدنا الصغيره              بعضنا ما حبينا
راح من عنّا الخير          بطّل عنا ضمير
هيك عم بيصير              لأنه الله نسينا

-1-
مشاكلنا بتكتر         عددها بعدد النجوم
وهمومنا بتكبر        غرقنا ببحر هموم
في ناس ما بتغدر     ولا بتعرف تعوم
ليه ما منسهر         ع المحبه ونزرعها كروم
الخير ما عدنا ننظر   تغطّى بشر غيوم
القلب فينا تعثر        وع الغلط صار يهدينا

-2-
يا ناس  حرام     إحنا بهالبلد  اخوات
نْسيتوا الأيام     ومحبة السنوات
خلونا زلام       منعيش أحلى حياة
ما نخلي الظلام   يلغيلنا الشمسات
ما نعمل أفلام     وفيها بطولات
نعيش بسلام       والمحبه تعيش فينا

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا