لمين أروح بتعبي اللي حملته سنين
وانت وعدت براحة لكل التعبانين
جاييلك يا ربي يا صادق يا أمين
********
لمين أروح بأحزاني وبقلبي المجروح
وانت وعدت اتعزي المنسحقين بالروح
جاييلك يا ربي ولغيرك مش حاروح
********
لمين أروح بخوفي وبقلق ألأيام
وانت وعدت اتأمن أولادك بالتمام جاييلك يا ربي يا مانح السلام
********
لمين أروح بأسقامي اللي ماليها دواء
وانت وعدت اتداوي وتشفي من كل داء
جاييلك يا ربي ايا نبع الرجاء
********
لمين أروح يواسيني وانا عألأرض غريب
وانت وعدت اتجيني وتبقى مني قريب
جاييلك يا ربي اقبلني يا حبيب
********
