أنت سبب ترنيمي

أنت سبب ترنيمي

كلمات من القلب تمام 

مزامير تسابيح وأغاني  

تملا قلوبنا سلام 

يسمعها الخاطي ويرجع 

في طريقه من الأوهام 

والمؤمن بيها يتعزى 

في الغربة وفي الآلام 

أنت سبب ترنيمي 

منبع كل الكلام  

 

أنت سبب ترنيمي

كلمات من بعد دموع 

بتصور فينا عزانا 

ازاي بالرب يسوع 

حتى لو وسط الامنا

بنيجيله بكل خضوع 

ونسلم كل أمورنا 

في ايده بكل خشوع

أنت سبب ترنيمي 

حتى وأنا موجوع 

 

أنت سبب ترنيمي

كلمات مليانه حنين 

بتصحي فينا اشواقنا 

للقاك وبكل يقين 

وتذكرنا بغربتنا 

وأننا منها مسافرين 

لحظة ماتيجي تاخدنا

معاك للسما رايحين

أنت سبب ترنيمي 

أمين تعالى أمين 

 

أنت سبب ترنيمي

كلمات زي العشاق  

من قلب حبيب ولهان 

في لقاء من بعد فراق 

 لو يبعد لحظه عنك 

ف الحال يرجع يشتاق 

انه يكون في قربك 

كسبان ولا الف سباق 

أنت سبب ترنيمي 

كلمات مليانه أشواق