يللي قسمت تاريخ الدنيا من يوم ما فيها اتولدت
جيتها بنقلة مش طبيعية غيرت فيها ياما وبدلت
ممالك ماعدش ليها سلطان وملكوتك فيها ثبت
مشوارك مالسما للارض بمحبة قساوته اتحملت
‏***********‏
ده يوم ميلادك بقي يوم عيد احتفلت بيه الاجيال
والفرحة تملى قلوب الناس مهما تكون الاحوال
وتعلى لك فيه التسابيح وتنشد لك حتى الاطفال
وتصلي ايكون العيد في حياتها تحقيق الاحلام
‏************‏
سامحنا ياربي ان كنا نسينا ايه هوه معني العيد
وبقي لينا زينة ومشتريات وهدايا ولباس جديد
بنعيش العيد بافكارنا الي اتقربنا من بعض اكيد
وبننساك بوسط اللخمة تكون بينا وابتبقى بعيد
‏************‏
ياريت نعرف ايه العيد ونعيشه بكل جوارحنا
دة يوم ميلادك مايكونشي عيد الا بوجودك بينا
ونتولد فيك من جديد ونعيش معاك باقي حياتنا
يبقى يوماتي النا عيد نعيد وحتكمل فيك فرحتنا
‏***********‏

 

هل لديك سؤال عن الإيمان المسيحي؟ نحن مستعدون لاجابتك. راسلنا