قلبك حنين يا أمه

قلبي عليك جافي - وقلبك حنين يا أمه
زي الحليب صافي - عامر بحب الله
حضنك أمان ودافي - وتحت رجليك الجنة
وسط حزني وهمي - الفرحة معاك تملاني
بلهفة عليه تجري - وتداوى كل آهاتي
كلامك يسعد قلبي - وتشيلي الهم مكاني
مين يمسح دموعي - ويدوق المر عشاني
يستنى لحظة رجوعي - سهرانة طول الليالي
بفراقك انطفت شموعي - ومعاها كل امالي
بحلم يا أمه أشوفك - وتاخديني في أحضانك
أبوس رجليك وكفوفك - وارتوي من نبع حنانك
وحشني سماع صوتك - يا ريتني كنت مكانك
سماح يا أمه سماح - يا ريت تسامحيني
على كل اللي راح - وإياك تنسي تدعيلي
صورتك في كل صباح - مرسومة أمام عيني