دمعة سالت

دمعة سالت على خدي، سريعة ومش بتهدي، سالتها ليه الاحزان، جاوبتني بلاش تسالني، رجعت وقلت لها تاني، ليه الحزن الدامي، ردت على المرة دي، قالت لي عشان الفادي...
18 مايو 2012 - 23:09 بتوقيت القدس
دمعة سالت على خدي سريعة ومش بتهدي
سالتها ليه الاحزان جاوبتني بلاش تسالني
رجعت وقلت لها تاني ليه الحزن الدامي
ردت على المرة دي قالت لي عشان الفادي
لما شفته على الصليب مجروح الهي الحبيب
بسرعة سالت دموعي وايه يفيد الدمع السكيب
يسوع مصلوب بدلا مني وحمل خطيتي وذنبي
وانا هو المذنب الخاطي والجرم هو جرمي
ايه راح تفيد دموعي وانا صلبتك يا يسوعي
يارب اقبل توبتي وندمي اليك ورجوعي
واقدم اليك  توبة واعاهدك دي اخر نوبة
مش راح احزن قلبك واسير في طرقك المحبوبة
شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا