الغفران
مجروح و قلبي حزين
تعبان و في قلبي انين
بصلي لك تسمعني و تطبب قلبي المسكين
ما هو قلبي يتحمل لأي حد؟
و انت الي خالقه و تعرف التكوين
جواته جراح كتيرة من بشر كتيرين
لكمات و هزات صفعات و طعنات سكاكين
اهانة و ظلم و افتراء علي و انا مسكين
مين غيرك وحدك يشفي جراح سنين
من ناس غدروا و حكموا علي ظلم لانهم ظالمين
مشاعري ما يعرفهاش البشر التانين
ما هم ضعاف و في جواتي مش عالمين
اصلا انا مش مستني منهم اي تعزية
لانهم عتاب و ملامة و بخشبتهم جوا عنيهم مش شايفين
و زي ما حكا ايوب اطباء بطالين و معزين متعبين
ماليش غيرك وحدك يا مخلص البني ادمين
تيجي و تمنح غفران لقلبي الحزين
الغفران الي اقدر اسامح بي الاخرين
الي جرحوا و غدروا و هم مش دارين
اعطيتني قلب حساس وحدك بس الي تسمع صدى الانين
الي جواه بسبب جروح ناس كتيرين
و علمني اليوم اكون زيك غفور و اصلي صلاتك "يا ابتاه اغفر لهم لانهم مش عارفين"
و امنحني محبة و تواضع حتى اقدر اغفر للمسيئين
لوحدي مش راح اقدر اغفر فبطلب منك تفيض علي بالغفران لكل شخص اساء الي باسم يسوع امين
