فين الكلمة
اللي لما كنّا نقراها
تفر الدمعة من عيونا
فين الكلمة
اللي تخلينا نهز راسنا
لما تقع في ودانا

فين الكلمة
اللي تحسسنا انها
كل اللي جوانا شاملة
فين الكلمة
اللي بتقول قصة وعبرة
في ايجاز له رنة

فين الكلمة
اللي لخصت حالتي
وحالتك جوه معنى
فين الكلمة
اللي بتعكس مشاعر القلب
اللي مش بتعجز
عن كلمة حب

فين الكلمة
اللي بتحكي تجربة واختبار
اللي بتخطف نفوس م النار
فين الكلمة
في ترنيمنا وصلاتنا
فين حتى ف وعظاتنا

فين الكلمة
اللي بتتقدم ذبيحة
وزي الورد بتفوح
فين الكلمة
المقرية والمسموعة
وبتعلن اننا
رسالة المسيح

هل لديك سؤال عن الإيمان المسيحي؟ نحن مستعدون لاجابتك. راسلنا