نفسي ارسم صورة لاتنين
فكر واحد في جسدين
وجسد واحد في فكرين
زي الرب ماهو مخطط
انه يكون للزوجين

نفسي ارسم صورة لاتنين
واحدة وواحد
وواحد وواحدة
لبعض مكملين
درب الحياة وف أيد الرب ماسكين
ولا يخورو ف الطريق
مادام تالتهم الرب الأمين

نفسي ارسم صورة لاتنين
مش ادم وحوا أو
اسحق ورفقة المكتوبين
لكن صنعة جديدة من الرب
في ضلمة العالم منورين

نفسي ارسم صورة لاتنين
حياتهم وأمرهم للرب مسلمين
الفرح قبل الحزن للرب مشاركين
يكون النجاح حليفهم
طول م أملهم في الرب طارحين

نفسي ارسم صورة لاتنين
مش بريشة أي فنان لكن
بريشة أعظم الفنانين
مين غيره يرسم سلام ومين
يرسم البسمة ع الوشين

نفسي ارسم صورة لاتنين
زي الرب الهنا واحنا
عروسته المفديين
بعهد ابدي بيه مربوطين
ولا يوم يتركنا في العالم تايهين
لحد ما يجي ياخدنا
ونكون معاه لابد الآبدين

هل لديك سؤال عن الإيمان المسيحي؟ نحن مستعدون لاجابتك. راسلنا