هكتبلك اي كلام وخلاص
هاكتب بالجاف هكتب برصاص
تطلع كلماتي مكتومة
تطلع فرحانة ومهمومة
يطلع شعري كدة بالعافية
يطلع مكسور او بالقافية
يطلع موصول او مـ تـ قـ طـ ع
ميهمش طول ما انت بتسمع
انا اصلي بكتب بشكيلك
طب اشكي ازاي ولمين غيرك
وانت اللي بتسمع افكاري
تعرفني وتعرف اسراري
دايما ترحمني وتسندني
ولا عمرك يوم ملّيت مني
مش عارف اكتب واعبّر
اصلا انت من الكلمات اكبر
بس انا قلبي مليان اخلاص
طب بص يا رب انا هكتبلك
هكتبلك اي كلام وخلاص

هل لديك سؤال عن الإيمان المسيحي؟ نحن مستعدون لاجابتك. راسلنا