| هَوَسي وهوَسك قبل الإيمان | وهوَس كل خاطي تعبان |
| إتقاء الإنسان لأخيه الإنسان | ما أخطره!!! هوَس بيزكّيه الشيطان |
| موجود في كل واحد أكيد | لما بيكون عن الرب بعيد ومش مولود من جديد |
| ممكن كمان يكون ولع البشر | بمخلّفات مقدسة بيمارسها ،وهذا الأخطر |
| عادات وتقاليد من صنع الناس | وفي الكتاب المقدس ما إلها أساس |
| حتى شعب الرب وقت موسى زمان | تحولوا عن عبادة الرب وعبدوا الأوثان |
| لما صعد موسى الى الجبل | ليجيب الوصايا قاموا عبدوا العجل |
| موسى كسر الوصايا لأنه غضب على الشعب | الوصايا اللي كانت كلام وكتابة الرب |
| هذا هو الإنسان... أنا وإنت كمان | مصيرنا الهلاك لولا رحمة الرحمن |
| ولما مات موسى أخفى الرب مكان الجثمان | حتى ما يعبده الشعب ويتوهم الإيمان |
| الرب بيغار على مجده | وما بيرضى إنه نحب حدا قده |
| علمني ربي حتى ألاقي فيك كفايتي | أحبك من كل قلبي وكل إرادتي |
| ما أسمح لشئ ياخد مكانك في حياتي | حتى لو كان أغلى الناس ومن إخواتي |
| أجيلك بكل خشوع عند الصليب | أتأمل جراحاتك اللي صارت لأجلي أيا حبيب |
