يانفسي دوسي على العسل لأنّو آخرتو مرارة
واللي شايفاه انه ربح ده في الحقيقة خسارة
والدنيا مهما تلونت وجددت فيها الحضارة
اوعِك في يوم تغريكي وتشتعل فيكي الإثارة
يانفسي كلِّي ده زايل .. وكلّو نهايتو قبض الريح
لا المال ولا الجمال باقي ولا السعادة والتفاريح
وكل اللي يحلا بعيني ... فجأة القاه يتقلب لقبيح
واللي فاكرو صاحب يرميني زي عقب سجارة
يانفسي مالكيش أمل.. غير في اللي فداكِ
الكل باعك بالرخيص وهوّه بدمّو اشتراكِ
ووعدو ليكي وعد أكيد وأكيد حيحقق مناكِ
استني حييجي عن قريب وكلمتو هيه الامارة
