اوصانا في الأعالي

أوصانا     في الأعالي      فتحنا لك الأبواب
بنقول بالصوت العالي     أهلا برب   الأرباب
يا جاي   من الأعالي      رحمة من عند الآب
ادخل يا رب  العزة     لقلوبنا بالترحاب
*********
أوصانا في الأعالي       والقدس ابتترجاك
تيجيها يا ملكها      من   عرش سماك
من يوم الخليقة        عمالها ابتستناك
حتى اتمم وعودك         وتمنحها   فداك
*********
اوصانا في الأعالي      أهلا بيك يا حبيب
يا اللي قبلت بموتك   علشانا عالصليب
ادخل واتعشا معانا  يكون لنا فيك نصيب
آدي احنا ابنستناك    تعال عن قريب
*********
أوصانا في الأعالي      شكرا ليك يا بار
جاي اليوم يا غالي    رغم اننا أشرار
جاي تفك قيودنا      وتطلقنا  أحرار
ادخل يا رب القدرة   لحياتنا بانتصار
*********
أوصانا في الأعالي      يا ملك السلام
جاي حتى تفدينا       وتتحمل الآلام
تصالحنا مع أبينا     وتبطل الخصام
تعال املك يا ربي   عحياتنا بالتمام
*********
أوصانا في الأعالي     يا محرر النفوس
جاي تعلن انتصارك   وعابليس تدوس
وتشترينا بدمك       مش بدهب وفلوس
تعال يا رب لينا   وقدسنا يا قدوس
*********