نَفسي ياللي بتدوقي المرْ
هو المر لحظة ولا كل لحظة بيمرْ
ياريته يغيب لحظة عني
دا ف كل لحظة الشريط بيكُرْ
ايوب ياللي في الألم علمْ
كنت مَثَلْ في الصبر على كل المْ
اديني صبر من صبرك
ولا يرجع قلبي يحس بندمْ
ربي انت حياتي في أيدكْ
انت مش قلت ان انا حبيبكْ
ليه بالاقيني مش لاقيك
هو مش كل اللي يصيبني يصيبكْ
انا واثق فيك مش ف الناسْ
انت بتفَصِّل التوب ع المقاسْ
مابتدينيش اكتر مابتحمل
وبتدني مع كل ضيقة خلاصْ
ثقتي فيك مش بس كلامْ
عليك بارمي كل اهتمامْ
والكل انت للخير تعمل وان
كان ف الظاهر شيء والسلامْ
