راجع بعد ما تاهت رجلي في كوره بعيده
راجع أنا وكفايه تبقى دماغي عنيده
راجع ونفسي أعيش حياه جديده
راجع لحضن ابويا وبيته لأبديه سعيده

راجع بعد ما راح اللي حاطط فيه أملي
راجع بعد الضيق وضياع خلي
راجع بعد مرارة بعد وزيد مللي
راجع بعد قروح وجروح سحقي وعللي

راجع بعد تيهان في الكوره سنين
راجع بعد ايام مليانه حزن وانين
راجع بعد عيشة سكر وضلال مبين
راجع للحضن الطيب ومريح التعبانين

راجع بين احضانه ارمي نفسي
راجع اطرح كل خوفي ويأسي
راجع من ضلالي وبعدي وبؤسي
راجع من تاني تسطع بيه شمسي

هل لديك سؤال عن الإيمان المسيحي؟ نحن مستعدون لاجابتك. راسلنا