فاكر لمّا ؟

فاكر لما مشاكلك كترت، لما الحزن جه خبَّط بابك، فاكر لما اليأس ناداك، ازاي ربك شال أحمالَك، فاكر لما حبيبك سابك، مش بمزاجه... بحُكم ظروف
08 مارس 2013 - 00:28 بتوقيت القدس

فاكر لما مشاكلك كترت
لما الحزن جه خبَّط بابك
فاكر لما اليأس ناداك
ازاي ربك شال أحمالَك
فاكر لما حبيبك سابك
مش بمزاجه ... بحُكم ظروف
فاكر لما الليل بيطوِّل
مين بيطمِّن وسط الخوف
فاكر لما الظلمة تغطي
فاكر لما الظلم يسود
مين بينور ليك السكة
ومين حاطط للشر حدود

ازاي بعد دة كله بتقسى
وترجع تنسى صنيع الرب
ولما معارك يوم بتواجهك
تِعمل فارِس ... تِعلن حرب
تتعب جدا لما بتعند
وتفكر فِ حلول من عندك
ترجع يائس بعد ما تبعد
ولما تروح للرب يساعدك
عمرك ابدا ما بتتعلم
بتسيب ربك آخر حل
وهو عشان بيحبك جدا
عمره ما سابك عمره ما مَل

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا