كن قدوة في الخدمة | زي بولس الرسول |
واتسلح بسيف الكلمة | وبالنفوس خليك مشغول |
اوعى تقول ازاي | أبدأ كلامي واقول |
اطلب من الرب في صلاتك | دا عنك هو المسئول |
يديلك قوه ومسحه | وعلى لسانك هو اللي يقول |
واكيد هاتقابلك صعاب | في الخدمه لما تجول |
هاتشوف الآم وسجون | تعيش جواها مذلول |
لكن اوعى تيأس | اتذكر الهك على طول |
ده لما كان في الخدمه | شاف اللي مش معقول |
من اجلك ومن اجلي | ولكل خاطي بابليس مشلول |
لكن ثقته بابوه السماوي | اتحقق ليه كل مأمول |
هو اللي يدّي النصرة | ويخلي الصخر سهول |
وتكون في حياتك مثمر | وتغير مفاهيم وعقول |
وترد النفوس الضاله | ولمسيحك تبقى رسول |
قدام ابوه السماوي يشهد لك | حتى ان كنت في العالم مجهول |
تاخد اكليل ثمر عملك | عند الهك تكون مقبول |