بوجودك كملت فرحتنا وايدك بتبارك خطوتنا
وتكلل بالمجد هاماتنا وتنور على طول سكتنا
من يوم ما صرت نصيبنا سلمنا لك كل حياتنا
بمشيئتك كانت قسمتنا وفيك ضامنين مستقبلنا
بيتنا انت اللي ابتبنيه وعينك حتبقى تملي عليه
نعيش ونشوف بركاتك فيه ولا يقدر حد يفرقنا
حياتنا نعيشها متفقين وبأي ظرف نكون راضين
وتهدينا بنات وبنين ولأسمك تخضع أسرتنا
حنقضي العمر نصليلك وفي بيتنا حيعلا تسبيحك
لحد ما تاخدنا لبيتك وتكمل هناك بيك سعادتنا
