رسالة شهيد من الفردوس الى قاتله

ياللي رخص بعينك دمي ...وياللي هان عليك ألمي
تسلم ياللي انت هديت الحسرة لأبويَ وامي ...
***********
أنا دلوقت بأحسن حال .. ماأقدرش أوصف مهما قال
آه لو تعرف أنا مع مين ... أنا ويا يسوع وخالي وعمي
************
واللي سبقونا على الأبدية من يوم ما كانت البشرية
وملايكة بترحب بقدومي عرفاني وبتندهلي باسمي
************
يالي ضاعت منك نفسك ... بقلة معرفتك وبجهلك ...
فاكر الدنيا دي باقية لك ... حاسب ده بريقها بيعمي
************
فاكر بتعمل خير لالهك.... ولا همك نتيجة أعمالك ..
حطيت السكينة عرقبتي وقبل ماتذبحني .. بتسمي !
***********
يا ابن آدم راجع نفسك .. صدقني من قلبي بحبك ..
لو ترجع لضميرك تلقاك .. برغم عيونك ... انك معمي .
***********