( زجلية)
ميلادَكْ دفّى كانونْ
وفرَّح العضرا الحنونْ
بنحبَكَ إحنا بْجنونْ
يا يسوع النصراني
إبن الإله الحنّانْ
اجا في ملء الزّمانْ
غيَّر وجه البسيطه
هاليسوع النصراني
بعيدك تْغنّى الملاكْ
ورقصت في السما الافلاكْ
ما أسماك ، وما أحلاكْ
يا يسوع النصراني
موج الليل وعتماتو
شعّوا وقت طلاًتو
ما احلى الرّاعي وسجداتو
ليسوع النصراني
المجوسي أتى من بعيد
يسجد للطفل السعيدْ
حامل بكيسو هدايا
ليسوع النصراني
طفل السّما الحنوني
غرّق بالدّمع عيوني
لوّن عمري وسْنوني
هاليسوع النصراني
وعد منّي يا يسوعْ
تبقى شبَعي والينبوعْ
حُبّك ساكن في الضّلوعْ
يا يسوع النصراني
