لا تقولوا انسى

دايمًا على بالي يا يسوعي الغالي يا فادي عُمري ومغيِّر حالي أنا كُنت الجاني الخاطي والفاني جدّدت شبابي بعمَل ربَّاني
15 نوفمبر 2008 - 20:07 بتوقيت القدس

دايمًا على بالي
               يا يسوعي الغالي
يا فادي عُمري
                ومغيِّر حالي

أنا كُنت الجاني
                الخاطي والفاني
جدّدت شبابي
              بعمَل ربَّاني

يا سعدي وهنايا
                 بأروع هدايا
مسيحي الفادي
                لوَّن مُنايا

لا تقولوا انسى
               عمري ما بنسى
بمينا إيماني
             القارب أرسا


إنجيلَك عُنواني
                عَ الحُبّ صحّاني
نوّرلي قلبي
             وملا   كياني


يا ناس شوفوني
                الفرحه  بعيوني
 الشبّ الجليلي
                محالي  ظْنوني

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا