الغلط في مين
فينا ولا في التانيين
بنظرة عينينا شايفيين
الناس حوالينا
بالغلط مليانين
لكن لو دققنا النظر
هنلاقي اننا
بالغلط
رايحين جايين
ياللي الخشبة
مغروسة في عينيك
أزاي قادر تشوف قذى
في عينين اللي حواليك
قوم نضف
كل اللي عالق بيك
وساعة ما تشوف
انه مفيش حاجة فيك
قوم دور على الغلط فين
ولما تلاقي الغلط
إياك من الفضح والتشهير
دي من صفات إبليس المكير
والرب ياما ليا وليك
ستر غلطات كتير
لكن روحله بقلب كبير
قوله نصيحة
وكن ليه مشير
صليله
الرب يخليه بصير
برغم عيوبنا الرب شايفنا
عروسه كاملة وهو بيجهزنا
من غير عيوب بتملا نفوسنا
لحد ما يجي ومعاه ياخدنا
في السما وياه هايكون مكانا
