جنسيتك ايه

عندي حضارة في كل العلوم، طب وفلك وتشهد الرسوم، ومجالات كتير بيها افتخر، "اه لو الحضارة كانت تدوم"...
07 ابريل 2014 - 19:39 بتوقيت القدس

عندي حضارة في كل العلوم
طب وفلك وتشهد الرسوم
ومجالات كتير بيها افتخر
"اه لو الحضارة كانت تدوم"
...
وأقول واعلي الهتافات
عندي جنسية أعظم الحضارات
حضارة من آلاف السنين
"واديك بتشهد انه زمن وفات"

جنسيتك ايه
خلاص انا بقيت تبع الأمريكان
علم دلوقت مش فات من زمان
بلا حضارة بلا ماضي
كل زمن وله أوان
...
الحرية عندي مفيش كلام
اعمل اللي عايزه بالتمام
"يا حرية يا علامة استفهام
مين يعَرَّفِك ويوفقنا من الأوهام"

جنسيتك ايه
بين الجنسيات لف ودور
عمرك في يوم ما ترجع منصور
دا كله في العالم سيان
في الساقية مربوط زي الطور
...
خدها فرصة واضمن سفرك
في السما هناك يرتاح أمرك
والرب بدمه راح يطهرك

تبقى سيرتك "جنسيتك" فوق في السما
وحرية بجد على الأرض هنا
والنهاية مجد وفرح وهنا

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا