محتاج أشوفك وسط ظروفي تطمن قلبي وتطرد خوفي
يا اللي ماليش غيرك الجأ له وانا شايل حمل ملو جوفي
قلبي مليان حسرة ومرارة من قد ما ورتني الدنيا خسارة
جاي لك وانا عارف انك تقدر تبرد لهيب ناري واتطفي
العالم كله واقف ضدي وأقول ازمة تمر بكرة واتعدي
أكيد حأغلب ومش مهزوم مدام انت يا رب في صفي
حروبك حأدخلها بتسبيحك وجيش الشر حاغلب بانجيلك
وطول مافيه نفس جاري حأشهد وشايل روحي على كفي
دة انت نصيبي في حياتي وحأفضل أمين لك حتى مماتي
دي حياتي في الدنيا غربة باحس اني غريب فيها ومنفي
محتاج اشوفك في كل يوم ولا لية عندك عتاب ولا لوم
وراضي بكل مايجرى ما دمت معاك عزائك لية بيكفي
