معاك انا مطمن

معاك يا رب انا مطمن... ان ليلي مش هايطول، شمس حبك تنور قلبي... وحزني وهمي معاك هيزول، ارمي عليك كل احمالي... ومش خايف من المجهول...
03 يناير 2014 - 13:09 بتوقيت القدس

معاك يا رب انا مطمن ... ان ليلي مش هايطول
شمس حبك تنور قلبي ... وحزني وهمي معاك هيزول
ارمي عليك كل احمالي ... ومش خايف من المجهول

لو طلبتك في الحال ... تيجي بسرعة ولا تستنى
تقرع دايما على بابي ... وتدخل ويايا وتتعشى
حتى وسط اتون النار ... الاقيك جنبي وبتتمشى

ولما الريح تشتد عليَّ ... اشوفك ماشي على الميّه
تدخل ربي الى سفينتي .. وايديك تمسك في ايديَّ
تأمر الريح وتطيعك بعد ما كانت الموجة قويّة

من غيرك يسمع صراخي ... حتى وانا وسط الجب
تغلق افواه الاسود ... ما اعظم هذا الحب
من غيرك يسمع صلاتي ... ومن غيرك ينقذني يا رب

شارك المقالة:
هل لديك سؤال عن الإيمان المسيحي؟ نحن مستعدون لاجابتك راسلنا